Бөлүмдөр
Жума, 19-октябрь
Чүй облусуЫсык-Ата району 20.11.2017 09:47

Ысык-Ата районунда 4 автоунаа кагышып, 7 киши жабыркады

Turmush -  Чүй облусунун Ысык-Ата районундагы Бишкек — Торугарт унаа жолунун 9-чакырымында 4 автоунаанын кагышуусунда жол-транспорт кырсыгы катталды. Бул тууралуу аймактык кабарчыга аталган кырсыктын күбѳлѳрү билдиришти.

Чүй ОИИБдин басма сөз кызматынын тастыктоосуна караганда, 18-ноябрда саат 16:15 чамасында Бишкек шаарынын 55 жаштагы тургуну «Хонда СР-В» үлгүсүндөгү автоунааны аталган жолдо чыгыштан батышты карай башкарып бара жатып, рулга ээ боло албай жүк ташуучу унааны, «Мерседес-Бенц Спринтер» үлгүсүндѳгү коомдук унааны жана «Тойота Эстима» үлгүсүндөгү жеңил унааны сүзгѳн. Анын кесепетинен 7 адам ар кандай жаракат алып, Кант шаардык ооруканасында дарыгерлердин кароосунан кийин үйлѳрүнѳ кетишкен.

Алар:

- 41 жаштагы Ч.А., Ысык-Ата районунун Интернационал айылынын тургуну;

- 29 жаштагы Б.Б., Ысык-Ата районунун Социал айылынын тургуну;

- 57 жаштагы С.Л., Ысык-Ата районунун Кант шаарынын тургуну;

- 10 жаштагы Б.С., Бишкек шаарынын тургуну;

- 43 жаштагы С.Л., Ысык-Ата районунун Милянфан айылынын тургуну;

- 43 жаштагы Ю.Л., «Тойота Эстима» жеңил унаасынын айдоочусу;

- 55 жаштагы С.Б., «Хонда СР-В» үлгүсүндөгү автоунаанын айдоочусу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×