Turmush — Ысык-Ата районунда жазуучу Аалы Токомбаев 1976-жылы кудасынын үйүнө баргандагы сүрөт сакталуу. Тарыхый сүрөт боюнча Алиаскар айылындагы №5 китепкананын жетекчиси Асел Шейшеналиева айтып берди.
«Бул сүрөт 1976-жылы тартылган экен. Айылдагы клубдун жетекчиси Жылдыз Сагынбекованын айтымында, Аалы Токомбаев Эпкин айылынын (Алиаскар Токтоналиев) айылынын тургуну, коомдук ишмер Асанбек Токомбаев менен куда болушат. Асанбектин бир тууган карындашы Анара Токомбаева жазуучу Аалы Токомбаевдин келини болот.
Бул сүрөттө Аалы Токомбаев Эпкин айылына кудасына конокко келип, Калинин колхозунун чабандары Токомбай Ормокоев, Чалбай Мураталиевдер менен баарлашып отурганда тартылган сүрөт.
Ал кезде Аалы Токомбаев Кыргыз ССР Жогорку Советинин депутаты болгон», - деп айталат маалыматта.
Аалы Токомбаев жөнүндө:
Аалы Токомбаев1904-жылы Жети-Суу облусунун Кайыңды айылында туулган. Советтик кыргыз жазуучусу жана акыны. Кыргыз ССРинин эл акыны (1945), Кыргыз ССР ИАнын академиги (1954), «Социалисттик Эмгектин Баатыры» (1974).
1963-1980-жылдары Кыргыз ССР Жогорку Советинин депутаты болгон.
1962-1978-жылдары «Кыргыз адабиятынын кыскача адабий энциклопедиясын» басып чыгаруу боюнча редколлегиянын мүчөсү болгон.
Асанбек Токомбаев жөнүндө:
1924-жылы Эпкин айылында туулган.
1949-жылдан бери КПССтин мүчөсү. Улуу Ата Мекендик согуштун катышуучусу.
1945-жылдан чарбалык, коомдук-саясий ишке катышкан.
1945-1985-жылдары Кыргыз ССРинин советтик эмгек сиңирген ишмери, «Кыргызстан» басмасынын директору, «Советтик Кыргызстан» газетасынын башкы редактору, Кыргыз ССР КП Фрунзе шаардык комитетинин экинчи секретары, Кыргызстан КП Борбордук Комитетинин секретары, Кыргыз ССР Жогорку Советинин төрагасы, Кыргыз ССР Министрлер Советинин телевидение жана радио уктуруу боюнча комитетинин төрагасы, Кыргыз ССР Жогорку Советинин 6-11 чакырылышынын депутаты болуп шайланган.